Athbhliain faoi mhaise daoibh a chairde.

Táim tar éis roinnt fiosruithe a fháil ó chairde agus ó thacadóirí ag fiosrú an mbeidh mé ag seasamh d’Uachtaránacht Chonradh na Gaeilge.

Is mór an onóir dom go gceapann daoine áirithe go mbeinn maith i ról Uachtaránachta an Chonartha, ceann de na rólanna is tábhachtaí i bpobal na Gaeilge.

Aithním tábhacht an ról úd agus an ualach oibre a bheadh i gceist le feidhmiú mar Uachtarán éifeachtach an Chonartha.

Ar an drochuair ag an am seo i mo shaol ní fhéadfainn go praiticiúil an coimitmint cuí a thabhairt don toghchán Uachtaránachta nó d’Uachtaránacht Chonradh na Gaeilge dá mba rud é gur éirigh liom tacaíocht tromlach na mball a fháil.

Tara & Aoibh

Nílim ag seasamh i mbliana mar gheall ar chúinsí pearsanta go príomha. Tá iníon nua againn agus tá sé tábhachtach dom bheith ann di agus do mo bhean céile Tara chomh fada agus is féidir ag an am cinniúnach seo. An bhfuil aon rud níos tábhachtaí do thodhchaí na teanga ná teaghlaigh bríomhara Gaelacha a chothú?

Leanfaidh mé orm ag gníomhaireacht go deonach ar son na Gaeilge laistigh den Chonradh agus go gairmiúil le FNT.

Guím gach ráth ar iarrthóir(í) toghchán Uachtaránacht Chonradh na Gaeilge na bliana seo agus don Uachtarán nua cibé hé nó hí sin.

Ba bhreá liom ag staid éigin amach anseo tabhairt faoi dhúshlán Uachtaránacht Chonradh na Gaeilge chun an eagraíocht s’againn a spreagadh, a athrú agus a láidriú ar leas na Gaeilge agus ar leas pobal na Gaeilge agus na Gaeltacht ach sin scéal le haghaidh lá eile.

Gabhaim buíochas daoibh as na beannachtaí go léir atá faighte agam go dtí seo.

Beir Bua!

Seán

Advertisements